రోబో సీక్వెల్ కి కమల్ నో చెప్పడానికి కారణం ఇదే..
- IndiaGlitz, [Monday,May 30 2016]
సూప‌ర్ స్టార్ ర‌జ‌నీకాంత్ హీరోగా గ్రేట్ డైరెక్టర్ శంక‌ర్ తెరకెక్కించిన రోబో ఎంత‌టి సెన్సేష‌న్ క్రియేట్ చేసిందో తెలిసిందే. ప్ర‌స్తుతం ఈ చిత్రానికి సీక్వెల్ గా రోబో 2.0 తెర‌కెక్కుతుంది. అయితే...డైరెక్టర్ శంక‌ర్ రోబో సీక్వెల్ స్ర్కిప్ట్ రాసుకున్న‌ప్పుడు హీరో ర‌జ‌నీకాంత్...విల‌న్ కమల్ హాస‌న్ అనుకున్నారు. ఇదే విష‌యాన్ని శంక‌ర్ కమల్ కి చెప్పారు. కానీ..కమల్ నో చెప్పారు. రోబో సీక్వెల్ లో విల‌న్ గా చేయ‌డానికి నో ఎందుకు చెప్పారో కమల్ తెలియ‌చేస్తూ...దర్శక దిగ్గజం బాలచందర్ దర్శకత్వంలోఅపూర్వ రాగంగళ్ చిత్రంలో నటించిన త‌ర్వాత ర‌జ‌నీ, నేను ఇద్ద‌రూ క‌లిసి ప‌లు చిత్రాల్లో న‌టించాం.
అయితే స్టార్ డ‌మ్ వ‌చ్చిన త‌ర్వాత మాత్రం క‌లిసి న‌టించ‌కూడ‌ద‌ని ర‌హ‌స్య ఒప్పందం చేసుకున్నాం. రోబో సీక్వెల్ లో విల‌న్ రోల్ కాబ‌ట్టి నేను నో చెప్ప‌లేదు. అలాంటి పాత్ర‌లు ఎన్నో చేసాను. ర‌జ‌నీ నేను క‌లిసి న‌టిస్తే మార్కెట్ కి త‌గ్గ పారితోషికం ఇవ్వాలి. మార్కెట్ కి త‌గ్గ‌ట్టు పారితోషికం ఇస్తే..ఇక సినిమా తీయ‌డానికి డ‌బ్బులు ఎక్క‌డ ఉంటాయి. అందుక‌నే నో చెప్పాను. ఫ్యాన్స్ మేమిద్ద‌రం క‌లిసి న‌టించాల‌ని కోరుకుంటే...ఫుల్ మూవీమే చేయ‌న‌వ‌స‌రం లేదు. ఇద్ద‌రం క‌లిసి గెస్ట్ రోల్ అయినా చెయ్య‌చ్చు. అందుకు నేను రెడీ అన్నారు. ఇది..కమల్ రోబో సీక్వెల్ లో విల‌న్ గా న‌టించ‌క‌పోవ‌డానికి కారణం..!