வேலைக்காரனின் 2இன்1 சர்ப்ரைஸ் இதுதான்
- IndiaGlitz, [Tuesday,October 31 2017]
சிவகார்த்திகேயன், நயன்தாரா நடிப்பில் மோகன்ராஜா இயக்கிய 'வேலைக்காரன்' படத்தின் 2இன்1 சர்ப்ரைஸ் இன்று மாலை வெளியாகவுள்ளதாக ஏற்கனவே அறிவிக்கப்பட்டிருந்தது. இந்த அந்த 2இன்1 சர்ப்ரைஸ் என்ன என்பது குறித்து சற்றுமுன் தெரியவந்துள்ளது
இதுகுறித்து வெளியான வீடியோ ஒன்றில் அனிருத் கூறியதாவது: ஒரே பாடலில் இரண்டு எமோஷன்கள் உள்ள பாடல் நவம்பர் 2ஆம் தேதி வெளியாகவுள்ளதாக தெரிவித்தார். இறைவா மற்றும் உயிரே என காதல் மற்றும் வாழ்க்கை ஆகிய இரண்டு எமோஷன்கள் இந்த பாடலில் இருப்பதாகவும், இந்த புதிய முயற்சி எங்களுக்கே புதிய அனுபவமாக இருந்தது என்றும் அனிருத் கூறியுள்ளார். எனவே சிவகார்த்திகேயன் மற்றும் அனிருத் ரசிகர்களுக்கு நாளை மறுநாள் ஒரு இசைவிருந்து காத்திருக்கின்றது என்பது உறுதியாகியுள்ளது.
வரும் கிறிஸ்துமஸ் திருநாளில் வெளியாகவுள்ள இந்த படத்தில் சிவகார்த்திகேயன், பகத்பாசில், நயன்தாரா, சினேகா, பிரகாஷ்ராஜ், தம்பி ராமையா, விஜய் வசந்த், ஆர்ஜே பாலாஜி, சதீஷ், ரோபோ சங்கர் உள்பட பலர் நடித்துள்ளனர். ராம்ஜி ஒளிப்பதிவில் விவேக் ஹர்சன் படத்தொகுப்பில் உருவாகியுள்ள இந்த படம் இந்த ஆண்டின் மிகப்பெரிய எதிர்பார்ப்புக்குரிய படங்களில் ஒன்றாக கருதப்படுகிறது.