కీర్తి సురేష్ కి ఇది మూడోసారి
- IndiaGlitz, [Wednesday,August 23 2017]
కీర్తి సురేష్ అన‌గానే ఠ‌క్కున గుర్తొచ్చే చిత్రం 'నేను శైల‌జ'. ఆ సినిమాలో శైల‌జ పాత్ర‌లో త‌న అభిన‌యంతో యువ‌త‌రాన్ని ఆకట్టుకుందీ కేర‌ళ కుట్టి. ఆ సినిమా అందించిన విజ‌యం, గుర్తింపుతో తెలుగులో మంచి అవ‌కాశాల‌నే పొందుతోంది కీర్తి. ప్ర‌స్తుతం ప‌వ‌న్ క‌ళ్యాణ్‌తో ఓ సినిమా చేస్తున్న కీర్తి.. మహానటి సావిత్రి జీవితం ఆధారంగా రూపొందుతున్న 'మహానటి'లోనూ నటిస్తూ బిజీగా ఉంది.
ఇదిలా ఉంటే.. కీర్తికి మూడేళ్లుగా ఓ విష‌యం రిపీట్ అవుతోంది. అదేమిటంటే.. సంక్రాంతి సీజ‌న్ లో ఈ ముద్దుగుమ్మ సినిమాలు విడుద‌ల‌వుతుండ‌డం. 2016లో శివ‌కార్తీకేయ‌న్‌తో జ‌త‌క‌ట్టిన త‌మిళ చిత్రం 'ర‌జ‌నీ మురుగ‌న్' సంక్రాంతికి విడుద‌లైతే.. ఈ ఏడాది సంక్రాంతికి విజ‌య్‌తో జోడీక‌ట్టిన త‌మిళ చిత్రం 'భైర‌వ' రిలీజైంది. ఇక వ‌చ్చే ఏడాది సంక్రాంతికి ఏకంగా ప‌వ‌న్ సినిమాతో సంద‌డి చేయ‌నుంది కీర్తి. సంక్రాంతి సీజ‌న్ కీర్తికి మంచి ఫ‌లితాల‌నే ఇస్తున్న వైనం.. ప‌వ‌న్ కొత్త చిత్రానికీ కొన‌సాగుతుందేమో చూడాలి. ఆల్ ది బెస్ట్ కీర్తి!