தனுஷின் இந்த படம் மூன்று பாகங்களாக உருவாகிறதா?ஆச்சரிய தகவல்..!
- IndiaGlitz, [Friday,June 23 2023]
தமிழ் சினிமாவில் தற்போது சர்வ சாதாரணமாக இரண்டு பாகங்கள் கொண்ட திரைப்படங்கள் உருவாகிக் கொண்டிருக்கும் போது தனுஷ் நடித்துக் கொண்டிருக்கும் திரைப்படம் இரண்டு அல்லது மூன்று மாதங்களாக உருவாக்கப்பட வாய்ப்பு இருப்பதாக கூறப்படுவது ரசிகர்களுக்கு ஆச்சரியத்தை ஏற்படுத்தியுள்ளது.
தனுஷ் நடிப்பில் அருண் மாதேஸ்வரன் இயக்கத்தில் உருவாகி வரும் திரைப்படம் ’கேப்டன் மில்லர்’. கடந்த 1940 ஆம் ஆண்டுகளில் சுதந்திர போராட்ட காலத்து கதையம்சம் கொண்ட இந்த படத்தில் சிவராஜ்குமார் முக்கிய வேடத்தில் நடித்து வருகிறார் என்பதும் இந்த படத்தின் படப்பிடிப்பு கிட்டத்தட்ட நிறைவு கட்டத்தை நெருங்கிவிட்டது என்பது குறிப்பிடத்தக்கது.
தனுஷ் ஜோடியாக பிரியங்கா மோகன் நடித்த வரும் இந்த படத்தில் சந்திப் கிஷான், நிவேதிதா உள்பட பலர் நடித்து வருகின்றனர். ஜிவி பிரகாஷ் உருவாகும் இந்த படம் மிகப்பெரிய எதிர்பார்ப்பை ஏற்பட்டுள்ளது என்பது குறிப்பிடத்தக்கது
இந்த நிலையில் இந்த படத்தின் இரண்டாம் பாகம் மற்றும் மூன்றாம் பாகம் உருவாக்கும் எண்ணம் இருப்பதாகவும் முதல் பாகம் ரிலீஸ் ஆனவுடன் அது குறித்து அறிவிப்பு வெளியாகும் என்றும் பட குழுவினர்களிடம் இருந்து தகவல் வெளியாகியுள்ளது. இந்த தகவல் ரசிகர்களுக்கு பெரும் ஆச்சரியத்தை ஏற்படுத்தி உள்ளது என்பது குறிப்பிடத்தக்கது.