சுசி கணேசன் 'திருட்டுப்பயலே 2' ஓப்பனிங் வசூல் விபரம்
- IndiaGlitz, [Monday,December 04 2017]
சுசீந்திரன் இயக்கிய 'திருட்டுப்பயலே' திரைப்படம் நல்ல வரவேற்பை பெற்றதை அடுத்து அதன் அடுத்த பாகமான 'திருட்டுப்பயலே 2' திரைப்படம் கடந்த மாதம் 30ஆம் தேதி மிகப்பெரிய எதிர்பார்ப்புடன் வெளியானது. பிரசன்னா, பாபிசிம்ஹா, அமலாபால் நடிப்பில் சுசீந்திரன் இயக்கத்தில் உருவாகியுள்ள இந்த படம் ஊடகங்கள் மற்றும் விமர்சகர்கள் மத்தியில் பாசிட்டிவ் விமர்சனங்களை பெற்றதால் தமிழகம் முழுவதும் நல்ல ஓப்பனிங் வசூலை பெற்றுள்ளதாக தகவல்கள் வெளிவந்து கொண்டிருக்கின்றது.
குறிப்பாக சென்னையில் கடந்த வாரயிறுதியில் இந்த படம் 17 திரையரங்குகளில் 204 காட்சிகள் திரையிடப்பட்டு ரூ.81,72,929 வசூல் செய்துள்ளது. திரையரங்குகளில் 80% பார்வையாளர்கள் இருந்தனர் என்பது குறிப்பிடத்தக்கது.
மேலும் இந்த படம் கடந்த 30ஆம் தேதியில் இருந்து டிசம்பர் 3 வரையிலான 4 நாட்களில் சென்னையில் ஒரு கோடி ரூபாய் வசூலை தாண்டியுள்ளது. அதாவது இந்த படம் ரூ.1,02,91,682 வசூல் செய்துள்ளது என்பதே இந்த படத்தின் வரவேற்புக்கு கிடைத்த சான்றாக உள்ளது.