சூப்பர் ஸ்டார் ரஜினிகாந்த் நடித்த 'காலா' திரைப்படம் வரும் ஜூன் 7ஆம் தேதி வெளியாகவுள்ளது. இதனையடுத்து வெகுவிரைவில் அவருடைய இன்னொரு படமான '2.0' திரைப்படமும் விரைவில் வெளியாகும் என எதிர்பார்க்கப்படுகிறது.

இந்த நிலையில் கார்த்திக் சுப்புராஜ் இயக்கவுள்ள ரஜினியின் அடுத்த படத்தின் படப்பிடிப்பு வரும் ஜூலை முதல் தொடங்கவிருப்பதால், இந்த படத்தின் ஆரம்பகட்ட பணிகள் தற்போது விறுவிறுப்பாக நடைபெற்று வருகிறது. இந்த படத்தில் சமீபத்தில் விஜய்சேதுபதி இணைந்தார் என்ற செய்தியை ஏற்கனவே பார்த்தோம். தற்போது வெளிவந்துள்ள செய்தியின்படி இந்த படத்தின் ஒளிப்பதிவாளராக தேசியவிருது பெற்ற திரு இணையவுள்ளதாக செய்திகள் வெளிவந்துள்ளது. இவர் சமீபத்தில் வெளிவந்த கார்த்திக் சுப்புராஜின் 'மெர்க்குரி' படத்திற்கு ஒளிப்பதிவு செய்தவர் என்பது குறிப்பிடத்தக்கது.

இளம் இசைப்புயல் அனிருத் இசையமைக்கவுள்ள இந்த படத்தில் நடிக்கும் மற்ற நடிகர், நடிகைகள் மற்றும் தொழில்நுட்ப கலைஞர்கள் தேர்வு நடைபெற்று வருவதாகவும் விரைவில் படக்குழுவினர் குறித்த முழு அறிவிப்பு வெளிவரும் என்றும் எதிர்பார்க்கப்படுகிறது. இந்த படத்தை சன் பிக்சர்ஸ் நிறுவனம் பிரமாண்டமாக தயாரிக்கவுள்ளது.