యువ క‌థానాయ‌కుడు సిద్ధార్థ్‌కి తెలుగులో ప్ర‌స్తుతం మార్కెట్ లేక‌పోయినా.. త‌మిళంలో మాత్రం మంచి ఫామ్‌లో ఉన్నాడు. వ‌రుస విజ‌యాలు అత‌ని ఖాతాలోకి చేరుతున్నాయి. ప్ర‌స్తుతం ఈ టాలెంటెడ్ హీరో న‌టిస్తున్న చిత్రాల‌లో 'అర‌ణ్‌మ‌ణై 2' ఒక‌టి. తెలుగులో 'చంద్ర‌క‌ళ‌'గా వ‌చ్చిన 'అర‌ణ్‌మ‌ణై'కి సీక్వెల్‌గా ఈ సినిమా తెర‌కెక్కుతోంది. ఈ సినిమాలో త్రిష‌, హ‌న్సిక హీరోయిన్లుగా న‌టిస్తున్నారు.

విశేష‌మేమిటంటే.. ఈ ఇద్ద‌రితోనూ సిద్ధార్థ్ ఇదివ‌ర‌కు రెండేసి సినిమాలు చేశాడు. 'యువ‌', 'నువ్వొస్తానంటే నేనొద్దాంటానా' కోసం త్రిష‌తోనూ.. 'ఓ మై ఫ్రెండ్‌', 'స‌మ్‌థింగ్ స‌మ్‌థింగ్' కోసం హ‌న్సిక‌తోనూ సిద్ధు విడివిడిగా జ‌త‌క‌ట్టాడు. మూడోసారి విష‌యానికి వ‌చ్చేస‌రికి ఇద్ద‌రితోనూ ఒకే సినిమా కోసం క‌లిసి న‌టిస్తున్నాడు. అటు త్రిష‌తోనూ, ఇటు హ‌న్సిక‌తోనూ.. మొద‌టి ప్ర‌య‌త్నంలో ప‌రాజ‌యం.. రెండో ప్ర‌య‌త్నంలో విజ‌యం అందుకున్న సిద్దార్థ్‌కి మూడోసారి ఎలాంటి ఫ‌లితం ద‌క్కుతుందో చూడాలి.