రవితేజ తో ముచ్చటగా మూడోసారి?
- IndiaGlitz, [Monday,September 18 2017]
క‌లిసొచ్చిన హీరోయిన్‌ల‌కు మ‌రో ఛాన్స్ ఇవ్వడం అనేది సినిమా ప‌రిశ్ర‌మ‌లో త‌రుచుగా జ‌రిగే విష‌య‌మే. అయితే.. క‌లిసి రాని నాయిక‌ల‌కు మ‌ళ్లీ మ‌ళ్లీ ఆఫ‌ర్ ఇవ్వడం అనేది అరుదుగా జ‌రుగుతుంటుంది. ఇప్పుడు కాజ‌ల్‌కి కూడా ఇదే ప‌రిస్థితి. గ‌తంలో ర‌వితేజ‌తో వీర, సారొచ్చారు చిత్రాల్లో క‌లిసి నటించిన కాజ‌ల్‌కి ఆయా సినిమాలు ఆడ‌క‌పోయినా.. చాలా గ్యాప్ త‌రువాత ముచ్చటగా మూడోసారి జోడీక‌ట్టే అవ‌కాశం వ‌చ్చింది.
ర‌వితేజ‌తో నీకోసం, వెంకీ, దుబాయ్ శీను వంటి హిట్ చిత్రాల‌ను తీసిన శ్రీ‌నువైట్ల దీనికి ద‌ర్శ‌క‌త్వం వ‌హించ‌నున్నారు. బాద్‌షా త‌రువాత శ్రీ‌నువైట్ల, కాజ‌ల్ కాంబినేష‌న్‌లో వ‌చ్చే సినిమా కూడా ఇదే కానుంది. మ‌రి రవితేజ సినిమాలో కాజ‌ల్ నే హీరోయిన్‌గా న‌టిస్తుందా? మ‌రెవ‌రైనా ఆ స్థానంలోకి వ‌స్తారా? అనేది త్వ‌ర‌లోనే తెలుస్తుంది.