నానితో మూడోసారి...
- IndiaGlitz, [Tuesday,April 02 2019]
నేచుర‌ల్ స్టార్ నాని ఇప్పుడు ఒక‌వైపు 'జెర్సీ' ప్ర‌మోష‌న్స్ స్టార్ట్ చేయ‌బోతున్నాడు. మ‌రో ప‌క్క విక్ర‌మ్ కుమార్ 'గ్యాంగ్ లీడ‌ర్' పూర్తి చేయాల్సి ఉంది. వీటి మ‌ధ్య‌న త‌న 25వ సినిమా 'వ్యూహం'(ఫిలింన‌గ‌ర్‌లో విన‌ప‌డుతున్న టైటిల్‌)ను సెట్స్‌లోకి తీసుకెళ్లే ప‌నిలో ఉన్నాడు. ఇంద్ర‌గంటి మోహ‌న‌కృష్ణ డైరెక్ట్ చేయ‌బోయే ఈ సినిమాలో సుధీర్ బాబు పోలీస్ ఆఫీస‌ర్‌గా క‌నప‌డ‌తాడ‌ని.. నాని పాత్ర నెగ‌టివ్ షేడ్‌లో ఉంటుంద‌ని వార్త‌లు విన‌ప‌డుతున్నాయి.
ఇంకా ఈ చిత్రంలో అదితిరావు హైద‌రి, నివేదా థామ‌స్ హీరోయిన్స్‌గా న‌టిస్తార‌ని టాక్ వ‌చ్చింది. అయితే ఇప్పుడు స‌మంత అక్కినేని పేరు విన‌ప‌డుతుంది. నాని స‌ర‌స‌న స‌మంత‌ను న‌టింప చేయాల‌ని నిర్మాత దిల్‌రాజు ప్ర‌య‌త్నాలు చేస్తున్నాడంటున్నారు. ఇది వ‌ర‌కు ఈగ, ఎటో వెళ్లిపోయింది మ‌న‌సు చిత్రాల్లో న‌టించి నాని, స‌మంత‌లు మ‌రోసారి క‌లిసి న‌టిస్తారో లేదో చూడాలి.