గ్లామ‌ర్ పాత్ర‌ల‌తో అల‌రించిన నిన్న‌టి త‌రం క‌థానాయిక రంభ‌. పెళ్ళ‌య్యాక సినిమాలు త‌గ్గించుకున్న ఈ సీనియ‌ర్ హీరోయిన్‌.. అతి త్వ‌ర‌లో గ్రాండ్ గా రీ ఎంట్రీ ఇవ్వ‌నుంద‌ని వార్త‌లు వినిపిస్తున్నాయి. ఫిల్మ్ న‌గ‌ర్ వ‌ర్గాల స‌మాచారం ప్రకారం.. తాజాగా రంభ ఓ బంప‌ర్ ఆఫ‌ర్ సొంతం చేసుకుంద‌ని తెలిసింది.

కాస్త వివ‌రాల్లోకి వెళితే.. యంగ్ టైగ‌ర్ ఎన్టీఆర్‌, మాట‌ల మాంత్రికుడు త్రివిక్ర‌మ్ శ్రీ‌నివాస్ కాంబినేష‌న్‌లో ఓ సినిమా రూపొందుతున్న సంగ‌తి తెలిసిందే. పూజా హెగ్డే హీరోయిన్‌గా న‌టిస్తున్న ఈ చిత్రంలో.. క‌థానాయిక త‌ల్లి పాత్ర కోసం ప‌లువురు సీనియ‌ర్ క‌థానాయిక‌ల పేర్లు వినిపించాయి.

మీనా, సిమ్రాన్‌, ల‌య వంటి పేర్లు ప్ర‌ముఖంగా వినిపించినా.. ఎవ‌రి పేరు అధికారికంగా బ‌య‌ట‌కు రాలేదు. తాజా స‌మాచారం ప్రకారం.. రంభ ఆ పాత్ర కోసం క‌న్‌ఫ‌ర్మ్ అయింద‌ని తెలుస్తోంది. ఇదివ‌ర‌కు రంభ‌.. ఎన్టీఆర్ న‌టించిన నాగ‌, య‌మ‌దొంగ చిత్రాల్లో ప్ర‌త్యేక గీతాల్లో సంద‌డి చేసింది.

తార‌క్ సినిమా కోసం ఓ పాత్ర‌లో న‌టించ‌డం ఇదే తొలిసారి. అలాగే.. త్రివిక్ర‌మ్ డైరెక్ష‌న్‌లోనూ రంభ న‌టించే తొలి సినిమా ఇదే కావ‌డం గ‌మ‌నార్హం. త్వ‌ర‌లోనే రంభ ఎంట్రీపై క్లారిటీ వ‌స్తుంది.