సూర్య‌, హ‌రి కాంబినేష‌న్‌లో వ‌చ్చిన సింగం సీక్వెల్స్ పెద్ద హిట్ చిత్రాలుగా నిలిచాయి. ఇప్పుడు సింగం 3 డిసెంబ‌ర్ 16న విడుద‌ల‌వుతుంది. ఈ చిత్రంలో అనుష్క‌తో పాటు శృతిహాస‌న్ న‌టిస్తుంది. శృతిహాస‌న్ రోల్ గురించి ఇప్ప‌టికే చాలా వార్త‌లు వ‌చ్చాయి. అయితే నిర్మాత జ్ఞాన‌వేల్ మాత్రం
శృతి ఓ మోడ్ర‌న్ అమ్మాయిగా, ధైర్య‌వంతురాలి పాత్ర‌లో క‌నిపిస్తుంద‌ని, సింగం రెండు సీక్వెల్స్‌లో సూర్య పాత్ర‌లో క‌నిపించే వేగం, తెగువ మూడో సీక్వెల్‌గా కూడా క‌న‌ప‌డుతుంద‌ని, అదే హైలైట్‌గా నిలుస్తుంద‌ని అంటున్నారు.

మూడో సీక్వెల్లో సూర్య ఇంట‌ర్నేష‌న‌ల్ పోలీస్ ఆఫీస‌ర్ పాత్ర‌లో క‌న‌ప‌డ‌తార‌ట‌. సూర్య పాత్ర సీరియ‌స్‌గా ఉంటే ఎంట‌ర్‌టైన్‌మెంట్ పార్ట్‌ను క‌మెడియ‌న్ సూరి పూర్తి చేయ‌నున్నాడ‌ట‌. చిత్రీక‌ర‌ణ పూర్తి చేసుకున్న ఈ చిత్రం నిర్మాణాంత‌ర కార్య‌క్ర‌మాల‌ను జ‌రుపుకుంటుంది. తెలుగులో సుర‌క్ష్ ఎంట‌ర్‌టైన్మెంట్ ఇండియా.ప్రై.లి బ్యాన‌ర్‌లో మల్కాపురం శివ‌కుమార్ సినిమాను విడుద‌ల చేస్తున్నారు.