గురి చూసి కొట్టాలేగానీ, మ‌న‌కు అంద‌ని ఫ‌లం ఉండ‌దు. ఈ విష‌యాన్ని బాగా న‌మ్మ‌తున్నారు ప్ర‌భాస్‌. ఆయ‌న తాజాగా `సాహో`ను గురి చూసి లాగిపెట్టి కొట్టాల‌ని అనుకుంటున్నారు. అందుకే ఈ సినిమా విష‌యంలో టార్గెట్ ఏంట‌నే దానిమీద ఎప్పుడో ఓ క్లారిటీకి వ‌చ్చేశారు. అభిమానులే ఇప్పుడు ప్రభాస్‌కు టార్గెట్ అట‌. ఆ విష‌యాన్ని ఆయ‌నే గ‌ట్టిగా చెబుతున్నారు. `బాహుబ‌లి`, `బాహుబ‌లి ది ఎండింగ్‌` త‌ర్వాత ఆయ‌న ఇప్ప‌టిదాకా ఇంకే సినిమానూ విడుద‌ల చేయ‌లేదు.

`సాహో` చిత్రీక‌ర‌ణ‌లో ఉంది. సుజిత్ ద‌ర్శ‌క‌త్వం వ‌హిస్తున్న రెండో సినిమా `సాహో`. కేవ‌లం ఒకే ఒక్క సినిమా ఎక్స్ పీరియ‌న్స్ ఉన్న‌ప్ప‌టికీ, అత‌నికున్న క్లారిటీని చూసి మెచ్చుకుని ఈ సినిమాను చేసే అవ‌కాశం ఇచ్చారు ప్ర‌భాస్‌. బాలీవుడ్ బ్యూటీ శ్ర‌ద్ధాక‌పూర్ నాయిక‌గా న‌టించిన ఈ సినిమాను వంశీ, ప్ర‌మోద్ క‌లిసి యువీ క్రియేష‌న్స్ ప‌తాకంపై రూపొందిస్తున్నారు. అత్యంత భారీ వ్య‌యంతో గ్రాండ్‌గా ఈ చిత్రం తెర‌కెక్కుతోంది. ఆగ‌స్ట్ 15న ప్రేక్ష‌కుల ముందుకు రానుంది.