தல அஜித் நடித்துவரும் வலிமை திரைப்படத்தை, இயக்குனர் வினோத் இயக்கிவருகிறார் என்பது நமக்கு தெரிந்த ஒன்றே. இப்படத்தின் இறுதிக்கட்டப் படப்பிடிப்புகள் கொரோனாவால் முடிவடையாத நிலையில், தளர்வுகள் அறிவிக்கப்பட்டபின் சண்டைக்காட்சிகள் மற்றும் இணைப்புக்காட்சிகள் எடுக்கப்பட்டு வருகிறது. அந்த வகையில் இத்திரைப்படத்தின் முதல் பாடல், வரும் ஆகஸ்ட் மாதம் வெளியாகவுள்ளதாக தகவல்கள் வெளியாகின.வலிமை படத்தின் மோஷன் போஸ்டர் வெளியானதில், அறிவு, தாமரை, விக்னேஷ் சிவன் உள்ளிட்ட பாடலாசிரியர்கள் டேக் செய்யப்பட்டிருந்தார்கள். இந்நிலையில் தல அஜித்தின் அறிமுகப்பாடலை 'தெருக்குரல்’ அறிவு எழுதியிருப்பதாக செய்திகள் வெளியாகி உள்ளது. அதுவும் ராப் பாடலாக இருக்கும் என்றும் கூறப்படுகிறது.

தெருக்குரல் அறிவு ரஜினியின் காலா படத்தில், 'உரிமையை மீட்போம்' என்ற பாடல் மூலம் பாடலாசிரியராகவும், பாடகராகவும் அறிமுகமானார். விஜயின் மாஸ்டர் படத்தில் ‘வாத்தி ரெய்டு’ பாடலை எழுதியதும் இவர் தான்.