இளையதளபதி விஜய் நடித்து வரும் 'தெறி' படத்தின் படப்பிடிப்பு இறுதிக்கட்டத்தில் இருக்கும் நிலையில் இந்த படத்தின் ஃபர்ஸ்ட் லுக் சமீபத்தில் வெளியாகி பெரும் பரபரப்பை ஏற்படுத்தியது. இந்நிலையில் இந்த படத்தின் இயக்குனர் அட்லி 'தெறி' படம் குறித்த சில தகவல்களை சமீபத்தில் அளித்துள்ள ஒரு பேட்டியில் கூறியுள்ளார்.

'தெறி' படம் ஒரு ஆக்சன் படமாக மட்டுமின்றி குடும்ப ஆடியன்ஸ்களும் விரும்பும் வகையில் அமைக்கப்பட வேண்டும் என விஜய்யின் விருப்பத்திற்கு ஏற்றவாறு பஞ்ச் டயலாக்குகள் மற்றும் மாஸ் காட்சிகள் அமைக்கப்பட்டுள்ளதாக அட்லி கூறியுள்ளார்.

மேலும் 'தெறி' என்ற டைட்டில் இந்த படத்திற்கு புதிய எனர்ஜியை தரும் என்றும் இந்த படத்தின் கதைக்கு பொருத்தமாக இருக்கும் என்று கூறியுள்ளார்.

மேலும் இந்த படத்தின் நாயகிகளான சமந்தா மற்றும் எமிஜாக்சன் ஆகிய இருவருக்குமே முக்கியத்துவமான கேரக்டர்கள் என்றும் தன்னுடைய படத்தில் நாயகிகளுக்கு எப்போதும் முக்கியத்துவம் இருக்கும் என்றும் அட்லி கூறியுள்ளார். அட்லியின் முந்தைய படமான 'ராஜா ராணி' படத்தில் நயன்தாரா, நஸ்ரியா இருவருக்குமே அழுத்தமான கேரக்டர்கள் என்பது குறிப்பிடத்தக்கது.

பர்ஸ்ட் லுக்கில் மூன்று விஜய் தோன்றியிருப்பதால் விஜய் இந்த படத்தில் மூன்று வேடங்களில் நடித்துள்ளாரா? என்ற கேள்விக்கு பதிலளித்த அட்லி, இந்த படத்தில் எத்தனை வேடங்களில் விஜய் நடித்துள்ளார் என்பது சஸ்பென்ஸ் என்றும் அதை வெளியிட விரும்பவில்லை என்றும் கூறியுள்ளார். அட்லியின் இந்த பேட்டி படத்தின் எதிர்பார்ப்பை எகிற வைத்துள்ளது.

அட்லி கூறியதுபோல் 'தெறி' படம் தெறிக்க வைக்குமா? என்பதை கமெண்ட் பாக்ஸில் தெரிவிக்கவும்