இளையதளபதி விஜய் நடித்துள்ள 'தெறி' படத்தின் இசை வெளியீட்டு விழா வரும் 20ஆம் தேதி நடைபெறவுள்ளது என்பதை ஏற்கனவே அறிவித்திருந்தோம். இந்நிலையில் இசை வெளியீடு மட்டுமின்றி அடுத்தடுத்து விஜய் தனது ரசிகர்களுக்கு இன்ப அதிர்ச்சி கொடுக்கவுள்ளதாக கூறப்படுகிறது.

பாடல் வெளியீட்டை அடுத்து ஒருசில நாட்களில் விஜய் பாடிய பாடலின் சிங்கிள் டிராக் வெளியாகவுள்ளதாகவும், அதனையடுத்து மார்ச் இறுதியில் 'தெறி' படத்தின் டிரைலர் வெளியாகவுள்ளதாகவும் தகவல்கள் வெளிவந்துள்ளது.

மேலும் 'தெறி' படத்தை ஏப்ரல் 14ஆம் தேதி ரிலீஸ் செய்வதற்காக போஸ்ட் புரடொக்ஷன்ஸ் டீம் முழுவீச்சில் இரவுபகலாக பணிபுரிந்து வருவதாகவும் திட்டமிட்டபடி படத்தை ரிலீஸ் செய்ய வேண்டும் என்பதில் தயாரிப்பு தரப்பு உறுதியாக இருப்பதாகவும் கூறப்படுகிறது.

விஜய், சமந்தா, எமிஜாக்சன், ராதிகா சரத்குமார், இயக்குனர் மகேந்திரன் உள்பட பலர் நடித்துள்ள 'தெறி' படத்தை அட்லி இயக்கியுள்ளார். ஜி.வி.பிரகாஷ் இசையமைத்துள்ள இந்த படத்தை கலைப்புலி எஸ்.தாணு தயாரித்துள்ளார்.