'థెరి' రీమేక్‌కి రంగం సిద్ధ‌మ‌వుతోందా..
- IndiaGlitz, [Sunday,March 10 2019]
త‌మిళ స్టార్ హీరో విజ‌య్, అట్లీ కాంబినేష‌న్‌లో రూపొందిన చిత్రం 'థెరి'(తెలుగులో పోలీసోడు) మంచి విజ‌యాన్ని సాధించింది. ఈ సినిమా అనువాదం తెలుగులో విడుద‌లైనా కూడా రీమేక్ హ‌క్కుల‌ను మైత్రీ మూవీ మేక‌ర్స్ కొన్నారు. ప‌వ‌న్‌క‌ల్యాణ్‌తో సినిమా చేయాల‌నుకున్నారు. కానీ ప‌వ‌న్ రాజ‌కీయాల్లో బిజీ అయిపోవ‌డంతో.. ర‌వితేజ‌తో ఆ సినిమా చేయాల‌నుకున్నారు.
కొన్ని ప‌రిస్థితుల కార‌ణంగా సినిమా సెట్స్ మీద‌కు వెళ్లలేదు. ఇప్పుడు మ‌ళ్లీ మైత్రీ మూవీ మేక‌ర్స్ 'థెరి' రీమేక్‌ను తెర‌కెక్కించాల‌నుకుంటున్నారు. ఏప్రిల్‌లో సినిమాను స్టార్ట్ చేయ‌బోతున్నార‌ట. ఈ సినిమాలో క్యాథరిన్ హీరోయిన్‌గా నటించ‌నుంది. కాగా.. సినిమాను ద‌స‌రాకు విడుద‌ల చేసేలా ప్లాన్స్ చేస్తున్నారు. కందిరీగ ద‌ర్శ‌కుడు సంతోష్ శ్రీనివాస్ సినిమాను తెర‌కెక్కించ‌నున్నాడు.