சென்னை மல்டிபிளக்ஸில் 'தெறி' செய்த புதிய சாதனை
- IndiaGlitz, [Wednesday,May 25 2016]
அட்லி இயகக்த்தில் கலைப்புலி எஸ். தாணு தயாரிப்பில் இளையதளபதி விஜய் நடித்த 'தெறி' திரைப்படம் வசூலில் உலகம் முழுவதும் பல்வேறு சாதனைகள் செய்ததை அவ்வபோது பார்த்து வந்தோம். இந்நிலையில் இந்த படம் சென்னையில் ஒரு புதிய சாதனையை ஏற்படுத்தியுள்ள தகவல் தற்போது வெளிவந்துள்ளது.
சென்னையில் உள்ள பிரபல மல்டிபிளக்ஸ் திரையரங்கான எஸ்பிஐ சினிமாஸ் வளாகத்தில் 'தெறி' திரைப்படம் கடந்த 40 நாட்களில் 1400 காட்சிகள் திரையிடப்பட்டுள்ளன. இந்த காட்சிகளின் எண்ணிக்கை வேறு எந்த தமிழ்ப்படமும் இந்த திரையரங்க வளாகத்தில் செய்யாத சாதனை ஆகும்.
ஏற்கனவே 'தெறி' திரைப்படம் சென்னையில் மட்டுமே ரூ.11 கோடி வசூலை கடந்துவிட்ட நிலையில் தற்போது இந்த புதிய சாதனையும் தெறி'யின் சாதனைகளில் இணைந்துள்ளது. 'தெறி'யின் இந்த சாதனைகளை முறியடிக்க வேறு எந்த படம் வரும் என்பதை பொறுத்திருந்து பார்ப்போம்.