தமிழ் ராக்கர்ஸை தமிழக அரசால் மட்டும் ஒழிக்க முடியாது: அமைச்சர் கடம்பூர் ராஜூ
- IndiaGlitz, [Saturday,December 01 2018]
திரையுலகினர்களுக்கு சிம்ம சொப்பனமாக இருந்து வரும் தமிழ் ராக்கர்ஸ் இணையதளத்தை முடக்க தயாரிப்பாளர் சங்கம், நடிகர் சங்கம் மற்றும் தமிழக காவல்துறை பல்வேறு நடவடிக்கைகள் எடுத்தும் அந்த இணையதளத்தை அசைக்க முடியவில்லை.
சர்கார், 2.0 போன்ற பெரிய பட்ஜெட் படங்களை முன்கூட்டியே சவால் விட்டு இணையதளத்தில் ஒளிபரப்பி வரும் தமிழ் ராக்கர்ஸை தமிழக அரசின் சட்டங்களும் நீதிமன்றத்தின் உத்தரவும் எதுவும் செய்ய முடியவில்லை.
இந்த நிலையில் தமிழ் ராக்கர்ஸை தமிழக அரசால் மட்டும் ஒழிக்க முடியாது என்றும், தயாரிப்பாளர்கள், விநியோகஸ்தர்கள், திரையரங்கு உரிமையாளர்கள் இணைந்து வந்தால் மட்டுமே முடியும் என்றும் செய்தி ஒளிபரப்புத்துறை அமைச்சர் கடம்பூர் ராஜூ தெரிவித்துள்ளார். மேலும் திருட்டு விசிடியை ஒழிக்க தனி சட்டம் உள்ளதாகவும், அதனை நடைமுறைப்படுத்த அனைவரும் ஒத்துழைக்க வேண்டும் என்றும் அவர் கூறியுள்ளார்.