ప‌వ‌ర్‌స్టార్‌ప‌వ‌న్‌క‌ల్యాణ్ 28వ చిత్రంగా అయ్య‌ప్ప‌నుమ్ కోశియ‌మ్ సినిమా తెర‌కెక్కుతోన్న సంగ‌తి తెలిసిందే. రానా ద‌గ్గుబాటి పవన్‌కు ధీటుగా ఉండే పాత్ర‌లో న‌టిస్తున్నారు. సాగ‌ర్ కె.చంద్ర దర్శ‌క‌త్వంలో రూపొందుతోన్న ఈ చిత్రానికి త్రివిక్రమ్ రైటింగ్ విభాగంలో తన వంతు సహకారాన్ని అందిస్తున్న సంగతి తెలిసిందే. సితార ఎంటర్‌టైన్‌మెంట్ బ్యాన‌ర్‌పై సూర్య‌దేవ‌ర నాగ‌వంశీ ఈ చిత్రాన్ని నిర్మిస్తున్నారు. ప్ర‌స్తుతం ఈ సినిమా షూటింగ్ హైద‌రాబాద్‌లో జ‌రుగుతుంది.

ఈ సినిమా గురించి ఆస‌క్తిక‌ర‌మైన స‌మాచారం ఒక‌టి నెట్టింట హ‌ల్‌చ‌ల్ చేస్తుంది. అదేంటంటే.. ఈ సినిమాలో సంద‌ర్భానుసారం వ‌చ్చే మాంటేజ్ సాంగ్స్ మిన‌హా హీరోలైన ప‌వ‌న్‌క‌ల్యాణ్‌, రానాల‌పై ప్ర‌త్యేక గీతాలు ఉండ‌వ‌ట‌. మ‌ల‌యాళం ఫార్మేట్‌నే మేక‌ర్స్ ఫాలో అవుతూ ఈ సినిమాను తెర‌కెక్కిస్తున్నారు. ఇందులో సాయిప‌ల్ల‌వి హీరోయిన్‌గా న‌టిస్తుంద‌ని టాక్‌. ప‌వ‌న్ సినిమాలో పాట‌లు లేక‌పోవ‌డం అంటే నిజంగా సాహ‌స‌మ‌నే చెప్పాలి. మ‌రి ఇందులో నిజా నిజాలేంటి? ఒక‌వేళ పాట‌లు లేక‌పోతే ప్రేక్ష‌కులు సినిమాను ఎలా రిసీవ్ చేసుకుంటారో తెలియాలంటే సినిమా వ‌చ్చే వ‌ర‌కు ఆగాల్సిందే.