தமிழக முதல்வராக இருந்த ஜெயலலிதா கடந்த 5ஆம் தேதி இரவு காலமானார். இன்றுடன் அவர் காலமாகி ஐந்து நாட்கள் முடிந்துவிட்ட நிலையில் இதுவரை பத்திரிகைகளில் எந்த ஒரு அதிமுக நிர்வாகியும் ஒரு விளம்பரம் கூட வெளியிடாமல் உள்ளது அனைவரையும் ஆச்சரியப்படுத்தியுள்ளது.

ஜெயலலிதா உயிருடன் இருந்தபோது பக்கம் பக்கமாக அவரை வாழ்த்தி விளம்பரம் செய்து அவருக்கு நெருக்கமானவர் போல் காட்டி கொண்ட அதிமுக நிர்வாகிகளும் அமைச்சர்களும் தற்போது ஒரே ஒரு இரங்கல் விளம்பரம் கூட வெளியிடாமல் அமைதியாக இருப்பது ஏன் என்று அடிமட்ட தொண்டனுக்கு சந்தேகம் எழுந்துள்ளது.

ஜெயலலிதாவை நம்பி வாழ்ந்தவர்கள், கோடி கோடியாய் சம்பாதித்து விசுவாசி என்று காட்டி கொண்டவர்கள் தற்போது அமைதியாக இருப்பதற்கு என்ன காரணம்? யாருக்காக அவர்கள் பயப்படுகிறார்கள்? யாருடைய கட்டுப்பாட்டில் அவர்கள் இருக்கின்றனர் என்பது ஒவ்வொரு அதிமுக தொண்டனின் கேள்வியாக உள்ளது.