முதல்முறையாக ஜோடி இல்லாமல் நடிக்கும் நயன்தாரா
- IndiaGlitz, [Tuesday,July 12 2016]
கோலிவுட்டின் லேடி சூப்பர் ஸ்டார் நயன்தாரா இதுவரை 'நீ எங்கே என் அன்பே, 'மாயா' போன்ற பெண் கேரக்டருக்கு முக்கியத்துவம் உள்ள ஒருசில படங்களில் நடித்துள்ளார். இருப்பினும் இந்த படங்களில் கூட நயன்தாராவுக்கு ஜோடியான கேரக்டர் இருந்ததுண்டு.
ஆனால் முதல்முறையாக ஜோடியே இல்லாமல் சோலோவாக நயன்தாரா நடித்து வரும் படம்தான் 'டோரா'. கொலை சம்பவம் ஒன்றை துப்பறியும் த்ரில் மற்றும் சஸ்பென்ஸ் கலந்த இந்த படத்தில் நயன்தாரா கொலையாளியை கண்டுபிடிப்பதுதான் கதையாம். இந்த படத்தின் முக்கியமான படப்பிடிப்புகள் சென்னை மற்றும் அதன் சுற்றுப்புறங்களில் குறிப்பாக டைடல்பார்க், ஈசிஆர், ஓஎம்ஆர் ஆகிய பகுதிகளில் நடைபெற்று வருவதாகவும் வரும் ஆகஸ்ட் மாத இறுதிக்குள் இந்த படத்தின் படப்பிடிப்பு முடிவடைந்துவிடும் என்று படக்குழுவினர் தெரிவித்துள்ளனர்.
மேலும் இந்த படத்தில் போலீஸ் அதிகாரியாக ஹரிஷ் உத்தமன், முக்கிய வேடத்தில் தம்பி ராமையா ஆகியோர் நடித்து வருகின்றனர். பிரபல இயக்குனர் சற்குணம் தயாரிப்பில் தாஸ் ராமசாமி இந்த படத்தை இயக்கி வருகிறார்.