சூப்பர் ஸ்டார் ரஜினிகாந்த் ஒரு பக்கம் தனது புதிய கட்சியின் பணிகள் 90% முடிந்துவிட்டதாகவும், விரைவில் கட்சி அறிவிப்பு செய்யவுள்ளதாகவும் கூறியுள்ள நிலையில் அவர் கட்சி ஆரம்பிக்க மாட்டார் என்றும் கட்சி ஆரம்பிக்க வாய்ப்பே இல்லை என்றும் ஒருசில அரசியல்வாதிகள் கூறி வருகின்றனர்.

இந்த நிலையில் இன்று செய்தியாளர்களுக்கு பேட்டியளித்த காங்கிரஸ் பிரமுகரும், முன்னாள் தமிழக காங்கிரஸ் கட்சியின் தலைவருமான ஈவிகேஎஸ் இளங்கோவன், 'ரஜினிகாந்த் தன்னுடைய நண்பர் என்பதால் அவரை பற்றி தனக்கு நன்கு தெரியும் என்றும், அவர் நிச்சயம் கட்சி ஆரம்பிக்க மாட்டார் என்றும் தெரிவித்துள்ளார். ஒருவேளை கட்சி ஆரம்பிக்கும் எண்ணம் அவருக்கு இருந்தால் 'அவர் கட்சி ஆரம்பிக்க வேண்டாம்' என்று அவருக்கு அறிவுரை கூறுவேன் என்றும் ஈவிகேஎஸ் இளங்கோவன் தெரிவித்தார்.

மேலும் காங்கிரஸ் கூட்டணியில் கமல்ஹாசனை இணைப்பது குறித்து ராகுல்காந்தியும், ஸ்டாலினும் மட்டுமே முடிவு செய்ய வேண்டும் என்றும், கூட்டணியில் வருவதற்கு முன்னரே திமுக கூட்டணியை உடைத்து கொண்டு வாருங்கள் என்று சொல்வது சரியாக இருக்காது என்றும் ஈவிகேஎஸ் இளங்கோவன் தனது பேட்டியில் கூறியுள்ளார்.