5 ஸ்டார் ஜெயில்லாம் கூட இருக்கு - கமல்ஹாசன்
- IndiaGlitz, [Monday,July 24 2017]
கமல்ஹாசன் நடத்தி வரும் பிக்பாஸ் நிகழ்ச்சி விறுவிறுப்பாக சென்று கொண்டிருக்கும் நிலையில் அனைவரும் எதிர்பார்த்தபடி நடிகை நமீதா, நேற்று பிக்பாஸ் வீட்டில் இருந்து வெளியேறினார். ஓவியா, கணேஷ், நமீதா மூவரும் எலிமினேட் லிஸ்ட்டில் இருந்த நிலையில் குறைந்த வாக்குகள் வாங்கியதால் நமீதா வெளியேற்றப்பட்டார்.
பிக்பாஸ் வீட்டில் இருந்து வெளியேறியதும் கமலிடம் கலந்துரையாடிய நமீதா, 'பிக்பாஸ் வீட்டில் அதிக வசதியில்லை என்றும், போதுமான இடம் இல்லை என்றும் குற்றச்சாட்டாக கூறினார். உள்ளே இருக்கும் பங்கேற்பாளர்கள் மன அழுத்தம் ஏற்படும் நேரத்தில் ரிலாக்ஸ் செய்ய எந்தவித வசதியும் இல்லை என்றும் கூறிய நமீதா , சுருக்கமாக சொல்வதென்றால் பிக்பாஸ் வீடு ஒரு ஃபைவ் ஸ்டார் ஜெயில் என்று கூறினார்.
அப்போது குறுக்கிட்ட கமல், 'இல்ல இங்க வேற 5 ஸ்டார் ஜெயில்லாம் கூட இருக்கு' என்று கிண்டலுடன் கூறினார். அவர் கூறியதன் அர்த்தத்தை புரிந்த கொண்ட பார்வையாளர்கள் கைதட்டி கரகோஷம் செய்தனர்.