என்னுடைய கேரக்டரில் மிகப்பெரிய டுவிஸ்ட். ஜாக்கி ஷெராப்
- IndiaGlitz, [Friday,July 01 2016]
பிரபல தயாரிப்பாளர் சி.வி.குமார் இயக்கத்தில் உருவாகி வந்த 'மாயவன்' திரைப்படத்தின் படப்பிடிப்பு நேற்றுடன் முடிந்தது என்பதை ஏற்கனவே பார்த்தோம். சந்தீப் கிஷான், லாவண்யா திரிபாதி நாயகன், நாயகியாக நடித்துள்ள இந்த படத்தின் முக்கிய வேடத்தில் பிரபல பாலிவுட் நடிகர் ஜாக்கி ஷெராப் நடித்துள்ளார்.
இந்த படத்தில் தன்னுடைய கேரக்டர் குறித்து ஜாக்கி ஷெராப் கூறுகையில், "இந்த படத்தில் நான் ராணுவ அதிகாரியாக நடித்துள்ளேன். ஆனால் என்னுடைய கேரக்டரில் ஒரு மிகப்பெரிய டுவிஸ்ட் உள்ளது' என்று கூறியுள்ளார். மேலும் இந்த கேரக்டரில் நடிக்க இயக்குனர் நடிகரை தேர்வு செய்யும்போது, 'ஆரண்ய காண்டம்' இயக்குனர் தியாகராஜன் குமாரராஜாதான் என்னை பரிந்துரை செய்தார்' என்றும் அவர் கூறினார்.
ஆரண்யா காண்டம்' படத்திற்கு பிறகு ரஜினிகாந்த் தனது கோச்சடையான் படத்திற்காக என்னை அணுகினார். அதன்பின்னர் என்னை வேறு எந்த தமிழ் இயக்குனர்களும் அழைக்கவில்லை என்றும் தமிழ் இயக்குனர்கள் எனக்கு வாய்ப்பு தந்தால் தொடர்ந்து தமிழ்ப்படங்களில் நடிக்க தயாராக இருப்பதாகவும் அவர் தெரிவித்தார்.