'இது நம்ம ஆளு' ரிலீஸ் உரிமையை பெறும் பிரபல நிறுவனம்?
- IndiaGlitz, [Thursday,October 29 2015]
நீண்ட இடைவெளிக்கு பின்னர் மீண்டும் சிம்பு, நயன்தாரா இணைந்து நடித்த 'இது நம்ம ஆளு' திரைப்படத்தின் நிலை குறித்து நேற்று இயக்குனர் பாண்டியராஜ் தனது சமூக வலைத்தளத்தில் கூறியதை ஏற்கனவே பார்த்தோம். மேலும் இந்த படத்தில் பாடல்கள் வரும் நவம்பரிலும், டிசம்பரில் படத்தை ரிலீஸ் செய்ய தயாரிப்பாளர் டி.ராஜேந்தர் திட்டமிட்டுள்ளதாக கூறப்படுகிறது.
இந்நிலையில் பல வெற்றி படங்களை தயாரித்தும், விநியோகம் செய்த ராசியான நிறுவனம் என்று பெயரெடுத்த ஸ்ரீதேனாண்டாள் பிலிம்ஸ் நிறுவனம் 'இது நம்ம ஆளு' படத்தின் தமிழக ரிலீஸ் உரிமையை பெறுவது குறித்து பேச்சுவார்த்தை நடத்தி வருவதாகவும், விரைவில் இதுகுறித்த நல்ல செய்தி வெளிவரும் என்றும் கூறப்படுகிறது.
சிம்புவின் சகோதரர் குறளரசன் இசையமைப்பாளராக அறிமுகமாகவுள்ள இந்த படத்தில் சிம்பு, நயன்தாராவுடன் சூரி, ஜெயப்பிரகாஷ், உள்பட பலர் நடித்துள்ளனர். பாலசுப்பிரமணியம் ஒளிப்பதிவு செய்துள்ள இந்த படத்திற்கு ப்ரவீண் படத்தொகுப்பு செய்துள்ளார்.