கார்த்தி நடிப்பில் வினோத் இயக்கிய 'தீரன் அதிகாரம் ஒன்று' திரைப்படம் கடந்த வாரம் வெளியான நிலையில் இந்த படத்தின் ஓப்பனிங் வசூல் அபாரமாக இருந்ததை ஏற்கனவே பார்த்தோம். இந்த நிலையில் பாசிட்டிவ் ரிசல்ட் காரணமாக இரண்டாவது வாரத்திலும் இந்த படம் வசூலில் சக்கை போடு போட்டுள்ளது.

குறிப்பாக சென்னையில் இந்த படம் பத்தே நாட்களில் ரூ.4 கோடி வசூலை தாண்டிவிட்டது. அதாவது நவம்பர் 17 முதல் 26 வரையிலான பத்து நாட்களில் இந்த படம் சென்னையில் மட்டும் ரூ.4,31,01,254 வசூல் செய்துள்ளது. இரண்டாவது வாரத்திலும் சூப்பர் வசூல் செய்துள்ளதால் கார்த்திக்கு இந்த படம் மறக்க முடியாத படமாக அமைந்துள்ளது.

மேலும் கடந்த வாரயிறுதி நாட்களில் சென்னையில் இந்த படம் 20 திரையரங்குகளில் 237 காட்சிகள் திரையிடப்பட்டு ரூ. 1,23,74,293 வசூல் செய்துள்ளது. இரண்டாவது வாரத்திலும் திரையரங்குகளில் 90% பார்வையாளர்கள் இருந்ததே இந்த படத்தின் வெற்றிக்கு சான்றாக உள்ளது.