தீபாவளி விருந்து: 'விடாமுயற்சி' வருகிறதோ இல்லையோ, இந்த 2 படங்களும் உறுதி..!
- IndiaGlitz, [Saturday,October 19 2024]
ஒவ்வொரு ஆண்டும் தீபாவளி தினத்தில் மாஸ் நடிகர்களின் திரைப்படங்கள் வெளியாகி ரசிகர்களுக்கு விருந்து அளிக்கும். ஆனால், இந்த ஆண்டு ரஜினிகாந்த், கமலஹாசன், அஜித், விஜய், சூர்யா போன்ற நடிகர்களின் படங்கள் வெளியாகவில்லை.
ஆனால் அதே நேரத்தில், சிவகார்த்திகேயன் நடித்த ’அமரன்’, ஜெயம் ரவி நடித்த ’பிரதர்’, கவின் நடித்த ‘பிளடி பெக்கர்’ ஆகிய படங்கள் வெளியாக உள்ளன. அஜித்தின் ’விடாமுயற்’சி திரைப்படம் வெளியாக வாய்ப்பு இருப்பதாக கூறப்பட்டாலும், இது குறித்த அதிகாரப்பூர்வ தகவல் இன்னும் வெளியாகவில்லை.
இந்த நிலையில், தீபாவளிக்கு ஒரு பக்கம் திரையரங்குகளில் புதிய திரைப்படங்கள் விருந்து அளிக்கின்றன என்றால், இன்னொரு பக்கம் ஓடிடியில் இரண்டு சூப்பர் ஹிட் படங்கள் வெளியாக இருப்பதாக தகவல்கள் வெளியாகியுள்ளன.
ஆகஸ்ட் 15ஆம் தேதி வெளியான விக்ரம் நடித்த ’தங்கலான்’ திரைப்படம் தீபாவளி அன்று ஓடிடியில் வெளியாக இருப்பதாக செய்திகள் வெளியாகியுள்ளன. அதேபோல், சமீபத்தில் வெளியான சூப்பர் ஹிட், வெற்றி பெற்ற ஹரிஷ் கல்யாண் மற்றும் அட்டகத்தி தினேஷ் நடித்த ’லப்பர் பந்து’ திரைப்படமும் ஓடிடியில் வெளியாகவுள்ளது. இந்த இரண்டு சூப்பர் ஹிட் படங்களும் வெளியாக இருப்பதால், ரசிகர்களுக்கு செம தீபாவளி விருந்து உறுதி என்று தெரிகிறது.