ஸ்டுடியோக்ரீன் - ராஜூமுருகன் இணையும் படத்தின் டைட்டில் அறிவிப்பு
- IndiaGlitz, [Saturday,June 23 2018]
சூர்யா நடித்த 'சில்லுன்னு ஒரு காதல்' என்ற படத்தில் தொடங்கி 'பருத்திவீரன், 'சிங்கம்', 'சிறுத்தை', முதல் 'தானா சேர்ந்த கூட்டம்' வரை பல வெற்றி படங்களை தயாரித்த நிறுவனம் ஸ்டுடியோக்ரீன். தற்போது இந்த நிறுவனம் ஆர்யா நடித்து வரும் 'கஜினிகாந்த்' என்ற படத்தை தயாரித்து வருகிறது.
இந்த நிலையில் தற்போது இந்த நிறுவனத்தின் அடுத்த படத்தின் தயாரிப்பு குறித்த தகவல் வெளிவந்துள்ளது. இந்நிறுவனத்தின் அடுத்த பட டைட்டில் 'மெஹந்தி சர்க்கஸ்'. இந்த படத்தை சரவண ராஜேந்திரன் என்பவர் இயக்கவுள்ளார். மேலும் இந்த படத்திற்கு 'குக்கூ' 'ஜோக்கர்' உள்ளிட்ட படங்களை இயக்கிய ராஜுமுருகன் கதை,வசனம் எழுதுகிறார். ஷான்ரோல்டன் இந்த படத்திற்கு இசையமைக்கவுள்ளார்.
இந்த படத்தில் மாதம்பட்டி ரங்கராஜ் ஹீரோவாக அறிமுகமாகிறார். இவர் சூர்யா, கார்த்தி மற்றும் ஞானவேல்ராஜா ஆகியோர்களின் நெருங்கிய உறவினர் ஆவார். இந்த படத்தில் நடிக்கும் மற்ற நடிகர் நடிகையர் தேர்வு நடைபெற்று வருவதாகவும் விரைவில் இதுகுறித்த அறிவிப்பு வெளியாகும் என்றும் கூறப்படுகிறது.