தேவ் படத்தை அடுத்து கார்த்தி தற்போது 'மாநகரம்' இயக்குனர் லோகேஷ் இயக்கத்தில் ஒரு த்ரில் படத்தில் நடித்து வருகிறார். ஹீரோயின், ரொமான்ஸ், டூயட் இல்லாத இந்த படம் ஒரே இரவில் நடக்கும் த்ரில் சம்பவங்களை அடிப்படையாக கொண்டது

இந்த படத்தில் கார்த்தி கைதி வேடத்தில் நடித்திருப்பதாகவும், இதனால் இந்த படத்தின் டைட்டிலும் 'கைதி' என்றும் வைக்கப்பட்டுள்ளது என்பதும் குறிப்பிடத்தக்கது. இந்த நிலையில் சற்றுமுன் கார்த்தியின் 'கைதி' படத்தின் டெர்ரர்லுக் வெளியாகியுள்ளது. இந்த வித்தியாசமான லுக்கே இந்த படத்தின் வெற்றியை உறுதி செய்வதாக கூறப்படுகிறது.

ட்ரீம்வாரியர் பிக்சர்ஸ் சார்பில் எஸ்.ஆர்.பிரபு தயாரித்து வரும் இந்த படத்தின் படப்பிடிப்பு இறுதிக்கட்டத்தை நெருங்கிவிட்டதாகவும், இந்த படத்தின் படப்பிடிப்பு விரைவில் முடிவுக்கு வரும் என்றும் கூறப்படுகிறது.

இந்த படத்தை அடுத்து பாக்யராஜ் கண்ணன் இயக்கத்தில் கார்த்தி ஒரு படத்தில் நடிக்கவுள்ளார். அதேபோல் 'பாபநாசம்' பட இயக்குனர் ஜித்துஜோசப் இயக்கத்திலும் கார்த்தி நடிக்கவுள்ளார் என்பதும் இந்த படத்தில் ஜோதிகா முக்கிய வேடத்தில் நடிக்கவுள்ளார் என்பதும் குறிப்பிடத்தக்கது.