சிம்பு நடித்த ’பத்து தல’ என்ற திரைப்படம் வரும் 30ஆம் தேதி திரையரங்குகளில் பிரம்மாண்டமாக வெளியாக இருக்கும் நிலையில் இந்த படத்தின் இசை வெளியீட்டு விழா விரைவில் சென்னையில் நடைபெற இருப்பதாகவும் இதற்காக தாய்லாந்தில் இருக்கும் சிம்பு விரைவில் சென்னை திரும்ப இருப்பதாகவும் கூறப்படுகிறது.

இந்த நிலையில் சிம்பு நடிக்க இருக்கும் அடுத்த திரைப்படத்தை ’கண்ணும் கண்ணும் கொள்ளை அடித்தால்’ என்ற படத்தை இயக்கிய தேசிங்கு பெரியசாமி இயக்க இருப்பதாகவும் இந்த படம் குறித்த அறிவிப்பு விரைவில் வெளியாகும் என்றும் செய்திகள் வெளியானது.

இந்த நிலையில் நாளை இந்த படத்தின் பூஜை நடைபெற இருப்பதாகவும் இதற்காக சிம்பு சென்னை வர வாய்ப்பு இருப்பதாகவும் கூறப்படுகிறது. நாளை இந்த படத்தின் பூஜையை முன்னிட்டு அதிகாரப்பூர்வ அறிவிப்பும் வெளியாகும் என்றும் கூறப்படுகிறது. முன்னதாக தேசிங்கு பெரியசாமி, சூப்பர் ஸ்டார் ரஜினியிடம் இந்த கதையை கூறியிருந்தார் என்பதும் ரஜினி இந்த படத்தில் நடிக்க இருந்த நிலையில் திடீரென இந்த படம் கைவிடப்பட்டதாக கூறப்பட்டது. இந்த நிலையில் தான் இந்த கதையில் சிம்பு நடிக்க இருப்பதாகவும் இதுவரை இல்லாத அளவில் சிம்புவின் அதிக பட்ஜெட் படமாக இருக்கும் என்றும் கூறப்படுகிறது.

இந்த படத்திற்கு அனிருத் இசையமைக்க இருப்பதாகவும் முதல் முறையாக சிம்பு படத்துக்கு அனிருத் இசை அமைக்க இருப்பதால் இந்த படத்துக்கு பெரும் எதிர்பார்ப்பு ஏற்பட்டுள்ளது என்பது குறிப்பிடத்தக்கது. சிம்புவின் அடுத்த படம் குறித்த அறிவிப்பு நாளை வெளியாகும் என்று தகவல் அவரது ரசிகர்களை குஷியாக்கியுள்ளது.