ప్రాణాలను బలిగొంటున్న అతివేగం...
- IndiaGlitz, [Sunday,November 24 2019]
బయోడవర్సిటీ యాక్సిడెంట్ కంటే ముందు మరో రోడ్డు ప్రమాదం హైదరాబాద్ లోని గచ్చిబౌలి బయోడైవర్సిటీ ఫ్లై ఓవర్ పై శనివారం ఘోర ప్రమాదం జరిగింది. 104 కి.మీ. స్పీడ్ తో దూసుకొచ్చిన కారు అదుపుతప్పి ఫ్లై ఓవర్ పై నుంచి కిందపడి పోయింది. ప్రమాదంలో ఓ మహిళ మృత్యువాత పడగా .. గాయపడిన తొమ్మిది మంది పరిస్థితి కూడా విషమంగా ఉంది. అతివేగమే ప్రమాదానికి కారణం అని పోలీసులు నిర్ధారించారు.
అయితే బయోడవర్సిటీ యాక్సిడెంట్ కంటే ముందు హైదరాబాద్ లో మరో యాక్సిడెంట్ జరిగింది. టాంక్ బండ్ పై బైక్ పై వెళ్తున్న యువకులను మరో వాహనం ఢీకొట్టింది. ప్రమాదంలో భువనగిరి కి చెందిన భాను కిరణ్, సాయి తేజ అనే ఇద్దరు వ్యక్తులకు గాయాలయ్యాయి. కాగా వీరిద్దరూ ఉప్పల్ లోని ఓ ప్రైవేట్ ఆస్పత్రిలో చికిత్స పొందుతున్నారు.