രുധിരം ചിത്രീകരണം ആരംഭിച്ചു
- IndiaGlitz, [Wednesday,February 15 2023]
രാജ് ബി ഷെട്ടിയെ നായകനാക്കി നവാഗതനായ ജിഷോ ലോണ്‍ ആന്റണി സംവിധാനം ചെയ്യുന്ന ചിത്രം രുധിരത്തിൻ്റെ ചിത്രീകരണം ആരംഭിച്ചു. കന്നഡയില്‍ തരംഗം തീര്‍ത്ത രാജ് ബി ഷെട്ടി മലയാളത്തില്‍ ആദ്യമായി അഭിനയിക്കുന്ന സിനിമയാണ് രുധിരം. അപര്‍ണ ബാലമുരളിയാണ് ചിത്രത്തിലെ നായിക. ചിത്രത്തിൻ്റെ പൂജയും സ്വിച്ച് ഓണ്‍ ചടങ്ങും തൃശൂര്‍ ആമ്പല്ലൂര്‍ ശ്രീ ഗോകുലം റെസിഡെന്‍സിയില്‍ നടന്നു. ചിത്രത്തിൻ്റെ തിരക്കഥ സംവിധായകന്‍ ജിഷോ ലോണ്‍ ആന്റണിയും ജോസഫ് കിരണ്‍ ജോര്‍ജും ചേര്‍ന്നാണ് ഒരുക്കുന്നത്.
മിഥുന്‍ മുകുന്ദനാണ് രുധിരത്തിന് പശ്ചാത്തല സംഗീമൊരുക്കുന്നത്. സജാദ് കാക്കു ക്യാമറയും ഭവന്‍ ശ്രീകുമാര്‍ എഡിറ്റിങ്ങും നിര്‍വഹിക്കുന്നു. റൈസിങ് സൺ സ്റ്റുഡിയോസിൻ്റെ ബാനറിൽ വി.എസ്. ലാലനാണ് രുധിരം നിർമിക്കുന്നത്. മലയാളത്തിന് പുറമെ കന്നഡ, തമിഴ്, തെലുങ്കു ഭാഷകളിലും ചിത്രം എത്തും. ചീഫ് അസോസിയേറ്റ് ഡയറക്ടര്‍ ക്രിസ് തോമസ് മാവേലി, അസോസിയേറ്റ് ഡയറക്ടര്‍ സുജേഷ് ആനി ഈപ്പന്‍, ആക്ഷന്‍ റണ്‍ രവി, ഫിനാന്‍സ് കണ്‍ട്രോളര്‍ എം എസ് അരുണ്‍ എന്നിവരാണ് രുധിരത്തിൻ്റെ മറ്റ് അണിയറ പ്രവര്‍ത്തകര്‍. ചിത്രത്തിൻ്റെ ഷൂട്ടിംഗ് തൃശൂർ ചിമ്മിനി ഡാമും പരിസര പ്രദേശങ്ങളിലുമാണ് നടക്കുന്നത്.