துருவ் விக்ரம் - மாரி செல்வராஜ் படத்தின் படப்பிடிப்பு எப்போது?
- IndiaGlitz, [Wednesday,March 08 2023]
இயக்குனர் மாரி செல்வராஜ், உதயநிதி ஸ்டாலின் நடித்த ‘மாமன்னன்’ என்ற திரைப்படத்தை இயக்கி முடித்த நிலையில் அந்த படத்தின் தொழில்நுட்ப பணிகள் விறுவிறுப்பாக நடைபெற்று வருகிறது. விரைவில் இந்த படத்தின் ரிலீஸ் தேதி அதிகாரப்பூர்வமாக அறிவிக்கப்படும் என்று எதிர்பார்க்கப்படுகிறது.
மேலும் மாரி செல்வராஜ் ’வாழை’ என்ற திரைப்படத்தை இயக்கி வருகிறார் என்பதும் இந்த படத்தின் படப்பிடிப்பும் கிட்டத்தட்ட முடிந்துவிட்டது என்றும் கூறப்பட்டுள்ளது. இந்த நிலையில் மாரி செல்வராஜ் இயக்கும் அடுத்த படத்தில் துருவ் விக்ரம் நடிக்க இருப்பதாக கடந்த சில மாதங்களுக்கு முன்பே தகவல் வெளியான நிலையில் தற்போது இந்த படத்தின் படப்பிடிப்பு குறித்த தகவல் கசிந்துள்ளது.
மாரி செல்வராஜ் மற்றும் துருவ் விக்ரம் இணையும் திரைப்படத்தின் படப்பிடிப்பு வரும் ஜூலை மாதம் முதல் தொடங்க இருப்பதாகவும் அதன் பின் தொடர்ச்சியாக இந்த படத்தின் படப்பிடிப்பு நடைபெறும் என்றும் புறப்படுகிறது. கபடி விளையாட்டை மையமாகக் கொண்டு திரைக்கதை அமைக்கப்பட்ட இந்த படத்திற்காக ஏற்கனவே துருவ் விக்ரம் கபடி பயிற்சி செய்து வந்ததாக கூறப்பட்டது.
இந்த நிலையில் இந்த படத்தின் ஆரம்பகட்ட பணிகள் விரைவில் தொடங்கும் என்றும் இந்த படத்தில் நடிக்கும் நட்சத்திரங்களின் தேர்வு மற்றும் தொழில்நுட்ப கலைஞர்களின் தேர்வு விரைவில் நடைபெறும் என்றும் கூறப்பட்டு வருகிறது.