சிம்பு நடித்த 'வந்தா ராஜாவாதான் வருவேன்' திரைப்படம் வரும் பிப்ரவரி 1ஆம் தேதி ரிலீஸாகவுள்ள நிலையில் இந்த படத்தின் புரமோஷன் ஜெட் வேகத்தில் நடைபெற்று வருகிறது.

இந்த படத்தின் ஃபர்ஸ்ட்சிங்கிள் பாடலான 'ரெட் கார்டு' பாடல் ஏற்கனவே பட்டிதொட்டியெங்கும் சூப்பர் ஹிட் ஆன நிலையில் தற்போது 'செகண்ட் சிங்கிள் பாடல் ரிலீஸ் குறித்த தகவல் வெளிவந்துள்ளது.

இந்த படத்தின் செகண்ட் சிங்கிள் பாடலான 'வாங்க மச்சான் வாங்க' என்ற பாடல் நாளை மாலை 5 மணிக்கு வெளியாகவுள்ளதாக அறிவிக்கப்பட்டுள்ளது. ஹிப் ஹாப் தமிழா ஆதி இசையில் உருவாகியுள்ள இந்த பாடல் முதல் சிங்கிளை போலவே ஹிட்டாகும் என எதிர்பார்க்கப்படுகிறது.

சுந்தர் சி இயக்கத்தில் லைகாவின் தயாரிப்பில் உருவாகியுள்ள இந்த படத்தில் சிம்பு, மேகா ஆகாஷ், கேதரின் தெரசா, மகத், பிரபு, ரம்யாகிருஷ்ணன், நாசர், யோகிபாபு, ரோபோ சங்கர் உள்பட பலர் இந்த படத்தில் நடித்துள்ளனர். கோபி அமர்நாத் ஒளிப்பதிவில் ஸ்ரீகாந்த் படத்தொகுப்பில் இந்த படம் உருவாகியுள்ளது