న‌ట‌సింహ నంద‌మూరి బాల‌కృష్ణ‌కి క‌లిసొచ్చిన రైట‌ర్స్‌లో ఎం. ర‌త్నం ఒక‌రు. 'సింహా', 'లెజెండ్', 'జై సింహా' చిత్రాల‌కు ఆయ‌న అందించిన ప‌వ‌ర్‌ఫుల్ డైలాగ్స్‌కు మంచి రెస్పాన్స్ వ‌చ్చింది. ప్ర‌స్తుతం ఈ టాలెంటెడ్ రైట‌ర్ బాల‌య్య కోసం ఓ స్క్రిప్ట్ సిద్ధం చేస్తున్నార‌ని స‌మాచారం. బాల‌య్య బాడీ లాంగ్వేజ్‌కు త‌గ్గ క‌థ‌తో పాటు మ‌రోసారి ప‌వ‌ర్‌ఫుల్ డైలాగ్స్ కూడా అందిస్తూ ఈ స్క్రిప్ట్ రెడీ చేస్తున్నార‌ట‌. త్వ‌ర‌లోనే బాల‌కృష్ణ‌ను సంప్ర‌దించి.. క‌థ‌ను వినిపించే ప్ర‌య‌త్నం చేయ‌బోతున్న‌ట్లు తెలుస్తోంది.

ప్ర‌స్తుతం బాల‌కృష్ణ రెండు చిత్రాల‌తో బిజీగా ఉన్నారు. త‌న తండ్రి నందమూరి తార‌క రామారావు జీవితం ఆధారంగా తెర‌కెక్కుతున్న 'య‌న్‌.టి.ఆర్‌'తో పాటు వి.వి.వినాయ‌క్ ద‌ర్శ‌క‌త్వంలో సి.క‌ళ్యాణ్ నిర్మించ‌నున్న చిత్రంలోనూ బాల‌య్య న‌టిస్తున్నారు. ఈ లోపే ర‌త్నం స్క్రిప్ట్ కూడా ఓకే అయితే.. బాల‌య్య అభిమానుల‌కు అది మ‌రో శుభవార్తే అవుతుంది.