உலகநாயகன் கமல்ஹாசன் நடிப்பில் லோகேஷ் கனகராஜ் இயக்கத்தில் அனிருத் இசையில் உருவான ‘விக்ரம்’ திரைப்படம் கடந்த வாரம் வெள்ளியன்று வெளியாகி மிகப்பெரிய வெற்றி பெற்றது என்பதும் 200 கோடிக்கு மேல் வசூல் சாதனை செய்துள்ளது என்பது தெரிந்ததே.

இந்த நிலையில் இந்த படத்தின் ரன்னிங் டைம் 173 நிமிடங்கள் என இருந்தாலும் கிட்டத்தட்ட 3 மணி நேரம் போனதே தெரியவில்லை என படம் பார்க்கப் பலர் கருத்து தெரிவித்தனர். ஆனால் அதே நேரத்தில் இந்த படம் எடிட் செய்வதற்கு முன்னர் எடிட்டர் டேபிளில் வைக்கப்பட்ட போது இந்த படத்தின் ரன்னிங் டைம் 4 மணி நேரமாக இருந்தது என்று படக்குழுவினர் தெரிவித்துள்ளது பெரும் ஆச்சரியத்தை ஏற்படுத்தி உள்ளது.

ஆனால் 4 மணி நேரம் படம் எடுத்ததற்காக நாங்கள் வருத்தப்படவில்லை என்றும் அவை அனைத்தும் ரசிகர்கள் ரசிக்க கூடிய அளவில் உள்ள காட்சிகளாக இருக்கும் என்றும் இந்த காட்சிகள் ஒவ்வொன்றாக அவ்வப்போது வெளியாகும் என்றும் படக்குழுவினர் தெரிவித்துள்ளதால் அடுத்தடுத்து ‘விக்ரம்’ படத்தின் காட்சிகள் வெளியாகும் என்று எதிர்பார்க்கப்படுகிறது.