బ్రహ్మోత్సవం రిలీజ్ డేట్ ఫిక్స్
- IndiaGlitz, [Thursday,September 24 2015]
మహేష్‌బాబు హీరోగా శ్రీకాంత్ అడ్డాల ద‌ర్శ‌క‌త్వంలో రూపొందుతున్న చిత్రం బ్రహ్మోత్సవం. పి.వి.పి బ్యాన‌ర్ పై రూపొందుతున్న ఈ చిత్రం రామోజీ ఫిలింసిటీలో షూటింగ్ జ‌రుపుకుంటుంది. ప్ర‌స్తుతం మహేష్ బాబు పై ఫ్యామిలీ అంతా క‌లిసి ఉండే ఓ సాంగ్ చిత్రీక‌రిస్తున్నారు. ఈ సినిమాలో మహేష్ స‌ర‌స‌న సమంత, కాజల్‌ అగర్వాల్‌, ప్రణీత హీరోయిన్లు గా నటిస్తున్నారు. మిక్కీ జే మేయర్ సంగీతాన్ని అందిస్తున్నారు.
నలుగురు ఉన్న చోట ఆనందం ఉంటుంది. అలాగే ఒక కుటుంబంలో ప్రతి సందర్భాన్ని ఓ ఉత్సవంలా జరుపుకొంటే అదే బ్రహ్మోత్సవం.ఈ పాయింట్ తోనే బ్రహ్మోత్సవం సినిమాని తెర‌కెక్కిస్తున్నార‌ట డైరెక్ట‌ర్ శ్రీకాంత్ అడ్డాల. ఈ సినిమాని సంక్రాంతికి రిలీజ్ చేయాల‌నుకున్నారు. కానీ తాజా స‌మాచారం ప్ర‌కారం బ్రహ్మోత్సవం చిత్రాన్నిఏప్రియల్ 7న రిలీజ్ చేయాల‌ని ప్లాన్ చేస్తున్నార‌ట.