கருணாநிதியை நேரில் பார்த்த ராகுல்காந்தி: புகைப்படம் வெளியானது
- IndiaGlitz, [Tuesday,July 31 2018]
திமுக தலைவர் கருணாநிதி கடந்த நான்கு நாட்களாக சென்னை காவேரி மருத்துவமனையில் சிகிச்சை பெற்று வரும் நிலையில் அவருடைய உடல்நலம் குறித்து அறிந்து கொள்வதற்காக காங்கிரஸ் தலைவர் ராகுல்காந்தி இன்று மாலை சென்னை வந்தார்.
கருணாநிதி சிகிச்சை பெற்று வரும் அறைக்குள் செல்ல அனுமதி பெற்ற ராகுல்காந்தி அவரை நேரில் பார்த்தார். அவருடன் திமுக செயல் தலைவர் மு.க.ஸ்டாலின், முன்னாள் மத்திய அமைச்சர் தயாநிதி மாறன், கருணாநிதிக்கு சிகிச்சை தரும் மருத்துவர்கள் உடன் இருந்தனர். ராகுல்காந்தியின் வருகையை மு.க.ஸ்டாலின், கருணாநிதியின் காதில் கூறுவது போன்று இந்த புகைப்படத்தில் உள்ளது.
காவேரி மருத்துவமனையில் சிகிச்சை பெற்று வரும் கருணாநிதி இந்த புகைப்படத்தில் தெளிவாக தெரிகிறார். எந்தவித செயற்கை உபகரணங்களும் இல்லாமல் கருணாநிதி இருக்கும் இந்த புகைப்படத்தை பார்த்ததும் திமுக தொண்டர்கள் உற்சாகம் அடைந்துள்ளனர்.