தளபதி விஜய் நடிப்பில் இயக்குனர் நெல்சன் இயக்கத்தில் சன் பிக்சர்ஸ் நிறுவனத்தின் தயாரிப்பில் உருவாகி வரும் ‘பீஸ்ட்’ படத்தின் படப்பிடிப்பு விறுவிறுப்பாக நடைபெற்று வந்தது தெரிந்ததே.

இந்த படத்தின் முதல்கட்ட படப்பிடிப்பு ஜார்ஜியாவிலும், இரண்டாம் மற்றும் மூன்றாம் கட்ட படப்பிடிப்பு சென்னையிலும் நடைபெற்று முடிந்த நிலையில் விரைவில் அடுத்த கட்டப்படப்பிடிப்பு டெல்லியிலும் அதனை அடுத்து ரஷ்யாவிலும் நடைபெற இருப்பதாக தகவல்கள் வெளிவந்துள்ளன.

இந்த நிலையில் இந்த படத்தில் விஜய்யின் ஓபனிங் பாடல் தமிழ் மற்றும் அரபு மொழி கலந்த பாடல் என்றும், இந்த பாடலை கம்போஸ் செய்தது மட்டுமன்றி அனிருத்தே பாடி உள்ளதாகவும் தகவல்கள் வெளிவந்துள்ளன. இந்த பாடல் காட்சியின் படப்பிடிப்பு சமீபத்தில் படமாக்கப்பட்ட போதுதான் படக்குழுவினர்களிடம் இருந்து இந்த தகவல் கசிந்து இருப்பதாகவும் இந்த பாடலில் பூஜா ஹெக்டேவும் நடனமாடி இருப்பதாகவும் கூறப்படுகிறது.

மேலும் இந்த பாடல் அட்டகாசமாக வந்திருப்பதாகவும் இந்த பாடல் திரையில் தோன்றும் போதும் ரசிகர்களை எழுந்து ஆட வைக்கும் அளவிற்கு இந்த பாடலில் இருக்கும் என்றும் கூறப்பட்டு வருவதால் பெரும் பரபரப்பு ஏற்பட்டுள்ளது.