தமிழ் சினிமாவில் சூர்யா - ஜோதிகா, ஆர்யா- சாயிஷா, பிரசன்னா - சினேகா உட்பட பல நட்சத்திர தம்பதிகளின் காதல் வெற்றி அடைந்துள்ள நிலையில் தற்போது மேலும் ஒரு நட்சத்திர காதல் குறித்த தகவல் வெளியாகி உள்ளது.

நடிகர் கார்த்திக்கின் மகன் கௌதம் கார்த்திக் மற்றும் நடிகை மஞ்சிமா மோகன் ஆகிய இருவரும் கடந்த சில ஆண்டுகளாக காதலித்து வருவதாகவும், வரும் காதலர் தினத்தில் இவர்கள் தங்களுடைய காதலை வெளிப்படையாக அறிவிக்க இருப்பதாகவும் கூறப்படுகிறது.

‘தேவராட்டம்’ என்ற திரைப்படத்தில் இருவரும் இணைந்து நடித்த போது ஒருவரை ஒருவர் காதலிக்க ஆரம்பித்ததாகவும் கடந்த இரண்டு ஆண்டுகளாக காதலித்து வரும் இவர்கள் விரைவில் திருமணம் செய்து கொள்ள இருப்பதாகவும் இது குறித்த அதிகாரப்பூர்வ அறிவிப்பு விரைவில் வெளியாகும் என்றும் தகவல்கள் வெளியாகிஉள்ளது.

இதனை அடுத்து கௌதம் கார்த்திக் மற்றும் மஞ்சிமா மோகன் ஆகிய இருவருக்கும் ரசிகர்கள் தங்களுடைய வாழ்த்துக்களை தெரிவித்து வருகின்றனர்.