முன்னாள் முதல்வர் ஜெயலலிதாவின் மரணம் மற்றும் திமுக தலைவர் கருணாநிதியின் உடல்நலம் ஆகியவை காரணமாக தமிழகத்தில் ஒரு அரசியல் வெற்றிடம் உள்ளதாகவும், இந்த வெற்றிடத்தை கமல் அல்லது ரஜினி நிரப்புவார்கள் என்றும் பெரும்பாலானோர்களின் கணிப்பாக உள்ளது.

இந்த நிலையில் கமல்ஹாசனின் சகோதரரும் பழம்பெரும் நடிகருமான சாருஹாசன் தனது சமூக வலைத்தளத்தில் தமிழகத்தின் அடுத்த முதல்வர் கர்நாடகத்தை சேர்ந்த ஒருவர் தான் என்றும், இந்த கருத்தை ஒப்புக் கொள்ளாதவர்கள் என்னை முட்டாள் என்று அழைக்கலாம் என்றும் கூறியுள்ளார். மேலும் இந்த ஆண்டு உங்களை நான் புரிந்து கொள்வேன். அடுத்த ஆண்டு நீங்கள் என்னை புரிந்து கொள்வீர்கள் என்றும் சாருஹாசன் தனது சமூக வலைத்தளத்தில் கூறியுள்ளார்.

சாருஹாசனின் இந்த கருத்தில் குறிப்பிடப்பட்டுள்ள கர்நாடகத்தை சேர்ந்தவர் என்பது ரஜினியை குறிப்பதாக கூறி ரஜினிகாந்த் ரசிகர்கள் உற்சாகமாக கமெண்டுக்களை பதிவு செய்து வருகின்றனர்.