ஏ.ஆர்.முருகதாஸின் அடுத்த படம் ஹாலிவுட் ரீமேக்கா?
- IndiaGlitz, [Monday,December 04 2017]
பிரபல இயக்குனர் ஏ.ஆர்.முருகதாஸ், தளபதி விஜய் நடிக்கவுள்ள தளபதி 62' படத்தை இயக்கவுள்ளார் என்பதும் இந்த படத்தின் படப்பிடிப்பு வரும் ஜனவரியில் தொடங்கவுள்ளது என்பதும் ஏற்கனவே தெரிந்ததே
இந்த நிலையில் கடந்த 2004ஆம் ஆண்டு ஹாலிவுட்டில் வெளியாகி சிறந்த படம், சிறந்த இயக்குநர், சிறந்த நடிகை, சிறந்த உறுதுணை நடிகர் என நான்கு ஆஸ்கார் விருதுகளை அள்ளிய 'மில்லியன் டாலர் பேபி' என்ற படத்தின் ரீமேக்கை முருகதாஸ் வாங்கி வைத்துள்ளதாக செய்திகள் வெளிவந்துள்ளது.
பாக்ஸிங்கை மையமாக வைத்து உருவாகவுள்ள இந்த படத்தின் நாயகனாக அக்சயகுமாரும், அவருக்கு ஜோடியாக பிக்பாஸ் 10 புகழ் மரினா குவார் என்ற நடிகையும் நடிக்கவுள்ளதாக தகவல்கள் வெளிவந்துள்ளது.
'தளபதி 62' படத்தை இயக்கிமுடித்துவிட்டு ஏ.ஆர்.முருகதாஸ் இந்த படத்தை இயக்குவார் என்று கூறப்படுகிறது.