மக்கள் செல்வன் விஜய்சேதுபதி நடித்த 'மாமனிதன்' திரைப்படத்தின் படப்பிடிப்பு கடந்த இரண்டு மாதங்களுக்கு முன்னரே முடிந்தவிட்ட நிலையில் தற்போது இந்த படத்தின் அடுத்தகட்ட பணிகள் தொடங்கப்பட்டுள்ளது. குறிப்பாக இந்த படத்தின் டப்பிங் பணிகள் நேற்று தொடங்கியுள்ளது.

விஜய்சேதுபதி தனது பகுதிக்கான டப்பிங்கை நேற்று பேசத்தொடங்கினார். விஜய்சேதுபதியின் டப்பிங் பணி முடிவடைந்ததும் இந்த படத்தில் நடித்துள்ள மற்ற நடிகர், நடிகைகளின் டப்பிங் தொடங்கப்படவுள்ளது.

சீனுராமசாமி இயக்கத்தில் உருவாகியுள்ள இந்த படத்தில் விஜய்சேதுபதி ஜோடியாக காயத்ரி மீண்டும் நடித்துள்ளார். மேலும் லலிதா, குருசோமசுந்தரம் உள்பட பலர் இந்த படத்தில் நடித்துள்ளனர். இசைஞானி இளையராஜாவும் அவருடைய இசை வாரிசுகளான யுவன்ஷங்கர் ராஜா, கார்த்திக் ராஜா ஆகியோர் இணைந்து இசையமைத்துள்ள இந்த படத்தை யுவன்ஷங்கர் ராஜா தயாரித்துள்ளார். சுகுமார் ஒளிப்பதிவில், ஸ்ரீகர் பிரசாத் படத்தொகுப்பில் உருவாகியுள்ள இந்த படம் விரைவில் திரைக்கு வரவுள்ளது.