தளபதி விஜய் நடித்து வரும் 'மெர்சல்' திரைப்படத்தின் படப்பிடிப்பு இறுதிக்கட்டத்தில் உள்ள நிலையில் இந்த படம் இந்த ஆண்டின் மிகப்பெரிய எதிர்பார்ப்புக்குரிய படங்களில் ஒன்றாக உள்ளது. வரும் தீபாவளி தினத்தில் திரைக்கு வரவுள்ளதாக அறிவிக்கப்பட்டிருந்தாலும் இந்த படத்தின் டீசருக்காக விஜய்யின் கோடிக்கணக்கான ரசிகர்கள் காத்திருக்கின்றனர்.

இந்த நிலையில் 'மெர்சல்' டீசர் குறித்த அறிவிப்பு இன்று வெளியாக அதிக வாய்ப்பு இருப்பதாக செய்திகள் வெளிவந்துள்ளது. அனேகமாக இந்த படத்தின் இயக்குனர் அட்லியின் பிறந்த நாளான செப்டம்பர் 21ஆம் தேதி 'மெர்சல்' டீசர் வெளிவரலாம் என்று எதிர்பார்க்கப்படுகிறது.

தல அஜித்தின் 'விவேகம்' திரைப்படத்தின் டீசர் உலக அளவில் அதிக லைக்குகள் பெற்ற படம் என்ற உலக சாதனையை ஏற்படுத்தியிருக்கும் நிலையில், 'மெர்சல்' டீசர் இந்த சாதனையை முறியடிக்குமா? என்பதை பொறுத்திருந்து பார்ப்போம்