சென்னை வெள்ளம்: மணிரத்னத்தின் மருத்துவ உதவி
- IndiaGlitz, [Tuesday,December 08 2015]
சென்னை உள்பட தமிழகத்தின் பல பகுதிகள் கனமழை மற்றும் வெள்ளத்தால் பாதிக்கப்பட்ட நிலையில் கோலிவுட் திரையுலகினர்களின் நிவாரண உதவிகள் எதிர்பார்த்ததை விட மிக அதிகமான அளவில் குவிந்து கொண்டிருப்பதாக தகவல்கள் கூறுகின்றன.
நடிகர்கள், இயக்குனர்கள், தயாரிப்பாளர்கள் என அனைத்து தரப்பினர்களும் லட்சக்கணக்கில் பண உதவி செய்து வந்த நிலையில் இசைஞானி இளையராஜா பாதிக்கப்பட்ட மக்களுக்கு போர்வைகள் கொடுத்து உதவியுள்ளார்.
இந்நிலையில் பிரபல இயக்குனர் மணிரத்னம் தனது பங்காக வெள்ளத்தால் பாதிக்கப்பட்ட மக்களுக்கு தேவையான மருந்து பொருட்கள், பால் பவுடர்கள், குழந்தைகளுக்கு தேவையான உணவு மற்றும் டெட்டால் ஆகியவைகளை அளித்துள்ளார். இந்த தகவலை மணிரத்னத்தின் மனைவியும் பிரபல நடிகையுமான சுஹாசினி தனது சமூக வலைத்தளத்தில் பதிவு செய்துள்ளார்