தளபதி விஜய் நடிப்பில் ஏ.ஆர்.முருகதாஸ் இயக்கி வரும் 'தளபதி 62' படத்தின் படப்பிடிப்பு சமீபத்தில் தொடங்கி விறுவிறுப்புடன் நடந்து வருகிறது. முட்டுக்காடு பகுதியில் நடைபெற்று வரும் இந்த முதல்கட்ட படப்பிடிப்பு முடியுந்தருவாயில் உள்ள நிலையில் அடுத்தகட்ட படப்பிடிப்பு குறித்த தகவல் வெளிவந்துள்ளது.

'தளபதி 62' படத்தின் அடுத்தகட்ட படப்பிடிப்பு கொல்கத்தாவில் விரைவில் நடைபெறவுள்ளதாகவும், 20 நாட்கள் நடைபெறும் இந்த படப்பிடிப்பில் மாஸ் காட்சிகள் படமாக்க திட்டமிட்டுள்ளதாகவும் தெரிய வந்துள்ளது. மேலும் இந்த படம் அதிரடி கேங்ஸ்டர் கதையம்சம் கொண்ட படம் என்றும் செய்திகள் கசிந்துள்ளது.

விஜய்-முருகதாஸ் இணைந்த முந்தைய படமான 'கத்தி' திரைப்படத்தின் முக்கிய காட்சிகளும் கொல்கத்தாவில் படமாக்கப்பட்டது என்பது குறிப்பிடத்தக்கது.

விஜய், கீர்த்தி சுரேஷ், யோகிபாபு உள்பட பலர் நடித்து வரும் இந்த படத்திற்கு ஆஸ்கார் நாயகன் ஏ.ஆர்.ரஹ்மான் இசையமைத்து வருகிறார். பிரபல எழுத்தாளர் ஜெயமோகன் வசனம் எழுதும் இந்த படத்தை பிரமாண்டமான பொருட்செலவில் சன் பிக்சர்ஸ் நிறுவனம் தயாரித்து வருகிறது