‘தி காஷ்மிர் ஃபைல்ஸ்’ என்ற திரைப்படத்தை இயக்கிய இயக்குனரின் அடுத்த படம் தமிழ் உள்பட 11 மொழிகளில் வெளியாக இருப்பதாக அறிவிக்கப்பட்டுள்ளது.

விவேக் அக்னிஹோத்ரி இயக்கத்தில் பல்லவி ஜோஷ் தயாரிப்பில் உருவான ‘தி காஷ்மிர் ஃபைல்ஸ்’ சென்ற திரைப்படம் ரூ.25 கோடி பட்ஜெட்டில் தயாராகி உலகம் முழுவதும் 340 கோடி வசூல் செய்தது என்பது குறிப்பிடத்தக்கது.

காஷ்மீர் பண்டிட்டுகள் மற்றும் இஸ்லாமியர் இடையே நடந்த பிரச்சனை குறித்த கதையம்சம் கொண்ட இந்த படம் இந்த ஆண்டு மார்ச் மாதம் வெளியானது என்பதும் பிரதமர் மோடி உள்பட பல அரசியல் தலைவர்கள் இந்த படத்தை பார்த்து பாராட்டினர் என்பது குறிப்பிடத்தக்கது.

இந்த நிலையில் ‘தி காஷ்மிர் ஃபைல்ஸ்’ இயக்குனர் விவேக் அக்னிஹோத்ரி இயக்க இருக்கும் அடுத்த படம் குறித்த அறிவிப்பு வந்துள்ளது. ‘தி வேசின் வார்’ என்ற டைட்டில் வைக்கப்பட்டுள்ள இந்த படம் கொரோனா வைரஸ் காலத்தில் தடுப்பூசி தயாரிப்பது குறித்த உண்மை சம்பவங்களை அடிப்படையாகக் கொண்டு உருவாக்கப்பட்டுள்ளது.

இந்த படம் அடுத்த ஆண்டு சுதந்திர தினத்தில் வெளியாகும் என அறிவிக்கப்பட்டுள்ளது. தமிழ், ஆங்கிலம், இந்தி, தெலுங்கு, கன்னடம்,மலையாளம், மராத்தி உள்பட 11 மொழிகளில் இந்த படம் வெளியாக இருப்பதாக அறிவிக்கப்பட்டுள்ளது.