ప్రతిరోజూ పండుగే’ సినిమాతో మంచి హిట్ అందుకున్న దర్శకుడు మారుతి. తీసిన సినిమాలు తక్కువే అయినా సక్సెస్ రేటు మాత్రం పుష్కలంగా ఉంది. అలాంటి దర్శకుడిని కూడా మన హీరోలు వెయిటింగ్‌లో పెట్టేశారు. కారణమంటూ ఏమీ లేదు. ప్రస్తుతం స్టార్ హీరోలంతా వారి వారి సినిమాలతో బిజీగా ఉండటమే. కరోనా మహమ్మారి కారణంగా ఇప్పటికి ఒప్పుకున్న సినిమాల షూటింగ్ పూర్తయితే చాలు.. తరువాత సంగతి తరువాత చూడొచ్చు అన్నట్టుగా ఉన్నారు.

అయితే మారుతి కూడా తన కథకు తగ్గ హీరోనే ఎంచుకుంటారనడంలో సందేహం లేదు. అలాగే ఆయన తాజాగా తన ప్రాజెక్ట్స్ కోసం అల్లు అర్జున్, నాని, రవితేజ, సాయితేజ్ వంటి కొందరు హీరోలను ఎంచుకున్నారట. కానీ వాళ్లంతా వారి ప్రాజెక్ట్స్‌తో బిజీ బిజీగా గడిపేస్తున్నారు. వచ్చే ఏడాది వరకూ డేట్స్ లేవట. దీంతో మారుతి మన హీరోలు డేట్లు ఇచ్చే వరకూ వెయిట్ చెయ్యక తప్పని పరిస్థితి నెలకొంది.