పానీ పూరి అమ్ముతున్న హీరో..
- IndiaGlitz, [Saturday,July 02 2016]
పానీ పూరి అమ్ముతున్న హీరో ఎవ‌రో కాదు మంచు విష్ణు. అవును..ఇది నిజంగా నిజం. ఇంత‌కీ విష్ణు ఎందుకు పానీ పూరి అమ్ముతున్నాడంటే..అక్క కోసం. ఇదేమిటి అక్క కోసం పానీ పూరి అమ్మ‌డం ఏమిటి అనుకుంటున్నారా...? మంచు ల‌క్ష్మి మేము సైతం అనే వినూత్న కార్య‌క్ర‌మం చేస్తున్న విష‌యం తెలిసిందే. ఈ కార్య‌క్ర‌మం కోసం మోహ‌న్ బాబు ఇడ్లీ అమ్మ‌గా, ర‌వితేజ థియేట‌ర్ లో చిప్స్ అమ్మ‌గా, ర‌కుల్ ప్రీత్ సింగ్ కూర‌గాయ‌లు అమ్మింది.
ఇప్పుడు మంచు విష్ణు మేము సైతం కార్య‌క్ర‌మంలో భాగంగా హైద‌రాబాద్ కూక‌ట్ ప‌ల్లిలో పానీ పూరి అమ్మాడు. ఇలాంటి కార్య‌క్ర‌మం చేయ‌డం తెలుగులో ఇదే తొలిసారి. అందుక‌నే అనుకుంట...ఇప్ప‌టి వ‌ర‌కు తెలుగు ప్రేక్ష‌కులు చూడ‌ని కార్య‌క్ర‌మం...దీనికి తోడు సేవా కార్య‌క్ర‌మం కావ‌డంతో మేము సైతం స‌క్సెస్ అయ్యింది. ఏది ఏమైనా...ఓ స‌రికొత్త కార్య‌క్ర‌మం ద్వారా ఆప‌ద‌లో ఉన్న వారిని ఆదుకుంటున్న మంచు ల‌క్ష్మి హ్యాట్సాఫ్..