உலகக்கோப்பை கிரிக்கெட் போட்டி தொடர் கடந்த சில நாட்களாக நடைபெற்று வரும் நிலையில் நேற்று லண்டன் ஓவல் மைதானத்தில் இந்தியா மற்றும் ஆஸ்திரேலியா அணிகளுக்கு இடையே லீக் போட்டி ஒன்று நடைபெற்றது. இந்த போட்டியில் இந்திய அணி 36 ரன்கள் வித்தியாசத்தில் அபாரமாக வெற்றி பெற்றது. தவான் சிறப்பாக விளையாடி 117 ரன்களும் விராத் கோஹ்லி 82 ரன்களும் குவித்தார்.

நேற்றைய போட்டியை காண லண்டனில் இருந்து மட்டுமின்றி இங்கிலாந்தில் வாழும் இந்தியர்கள் ஆயிரக்கணக்கில் குவிந்திருந்தனர். இந்த நிலையில் நேற்றைய போட்டியின்போது விராத் கோஹ்லி பேட்டிங் செய்து கொண்டிருந்தபோது எல்லைக்கோட்டிற்கு அருகே நின்று கொண்டிருந்த ஆஸ்திரேலியா கேப்டன் ஸ்டீவ் ஸ்மித்தை இந்திய ரசிகர்கள் சிலர் கேலி செய்து கூச்சல் போட்டனர். இதனால் ஸ்டீவ் ஸ்மித் அதிருப்தி அடைந்தார்.

உடனே அதனை பார்த்த விராத் கோஹ்லி ரசிகர்களை நோக்கி, ஸ்டீவ் ஸ்மித்தை கேலி செய்ய வேண்டாம் என்றும், அவருக்கும் சேர்த்து கைதட்டி உற்சாகப்படுத்துங்கள்' என்றும் சைகையில் கூறினார். விராத் கோஹ்லியின் இந்த நல்ல மனதிற்கு கிரிக்கெட் ரசிகர்களும் நெட்டிசன்களும் பாராட்டி வருகின்றனர். ஸ்டீவ் ஸ்மித்தும் விராத் கோஹ்லியின் முதுகில் தட்டிக்கொடுத்து பாராட்டினார்.

With India fans giving Steve Smith a tough time fielding in the deep, @imVkohli suggested they applaud the Australian instead.

Absolute class ?? #SpiritOfCricket #ViratKohli pic.twitter.com/mmkLoedxjr

— ICC (@ICC) June 9, 2019